Video
Read full review
2014-09-13
3250 views
4月21日, 雖然呢頭係個舊區, 但係因為近住太古坊, 所以周圍都會有唔同種類嘅食店. 走入舊式大廈海山樓會發現呢間非常隱蔽嘅cafe, 真係好唔起眼, 但係當走近一看, 餐廳幾有特色, 裝修別緻, 同出面嘅舊大廈形成一個對比~::: 雜菜湯 + 黑椒汁咸牛脷長通粉 + 啤梨百香果綠茶 ::: $58lunch set包括湯或沙律, 主菜同果茶, 都算抵食~ 雜菜湯飲得出係自家製, 味道雖淡但係天然, 冇嗰d化學味道, 少少甜帶有酸味~ 雜菜都好清淡, 煮得幾入味, 唔錯~長通粉賣相都幾好, 個黑椒汁似乎杰咗少少, 不過撈通粉食又估唔到幾夾~ 牛脷味道唔算濃, 入口幾淋好易咬, 有3件都係正常份量~ 加上配碟有少少西蘭花蘿蔔等等嘅蔬菜, 都幾健康~跟餐可以叫一d花茶果茶咁, 我地就要咗是日特飲啤梨百香果綠茶, 味道有d過甜, 啤梨味過多, 唔係好飲得出百香果味, 懷疑唔係天然製, 呢d飲品都係可免則免.::: 雜果沙律 + 意式蕃茄蓉海鮮雜錦意粉 + 啤梨百香果綠茶 ::: $55雜果沙律係鮮果同罐頭雜果嘅混合體, 由於有新鮮生果嘅點綴, 雜果沙律加上適中嘅沙律醬味道都尚算討好~意式蕃
::: 雜菜湯 + 黑椒汁咸牛脷長通粉 + 啤梨百香果綠茶 ::: $58
lunch set包括湯或沙律, 主菜同果茶, 都算抵食~ 雜菜湯飲得出係自家製, 味道雖淡但係天然, 冇嗰d化學味道, 少少甜帶有酸味~ 雜菜都好清淡, 煮得幾入味, 唔錯~
長通粉賣相都幾好, 個黑椒汁似乎杰咗少少, 不過撈通粉食又估唔到幾夾~ 牛脷味道唔算濃, 入口幾淋好易咬, 有3件都係正常份量~ 加上配碟有少少西蘭花蘿蔔等等嘅蔬菜, 都幾健康~
跟餐可以叫一d花茶果茶咁, 我地就要咗是日特飲啤梨百香果綠茶, 味道有d過甜, 啤梨味過多, 唔係好飲得出百香果味, 懷疑唔係天然製, 呢d飲品都係可免則免.
::: 雜果沙律 + 意式蕃茄蓉海鮮雜錦意粉 + 啤梨百香果綠茶 ::: $55
雜果沙律係鮮果同罐頭雜果嘅混合體, 由於有新鮮生果嘅點綴, 雜果沙律加上適中嘅沙律醬味道都尚算討好~
意式蕃茄蓉海鮮雜錦意粉材料豐富, 賣相精緻開胃~ 其實所謂的海鮮雜錦都係d蝦仁、蜆肉、魚肉、蟹柳等普通野, 意粉煮得軟淋適中, 加上番茄蓉醬汁清新香甜, 實在開胃! 仲有d西蘭花紅蘿蔔等做配菜, 更覺健康~
呢間cafe感覺都幾寫意, 同附近嘅環境形成一個強烈對比, 喺出面個平台仲有d公公婆婆玩紙牌~ 見到廚房收銀全部都係年青人, 應該都係創業青年, 可能貪呢度租平啦, 希望佢地可以比d心機做好佢~
Post
