荳子 (海壩街) (Closed)

已經食過好幾次呢間餐廳，見成日都好多人，所以有一段時間冇黎食。今日晏晝五點幾肚餓諗住早啲食晚餐，見到beans冇人排隊✌🏻見到個Menu多咗啲新菜式，有魚香茄子意粉，北京填鴨漢堡😂好有創意。我哋兩個人叫咗兩個main course，一個係北京填鴨漢堡，有薯條有沙律，但個包就細個咗少少，個包係中式嘅蒸包，搽咗一層北京填鴨醬，入邊有兩大舊鴨肉，味道唔錯，鍾意食北京填鴨嘅人應該都會鍾意食呢一個。跟住另一個主菜係大蝦龍蝦汁意粉，加咗錢叫咗個薯條配黑松露醬。大蝦龍蝦汁意粉- 兩隻蝦就唔係好大隻，個龍蝦汁都唔係好濃，但整體上都OK，只係見到隔離枱叫嘅黑松露軟殼蟹意粉，同埋蟹肉蛋黃意粉好似吸引好多咁😂有啲後悔叫咗呢個大蝦龍蝦汁意粉😂個薯條配嘅黑松露醬超好食，好濃嘅黑松露味嘢飲就叫咗一杯特濃朱古力同埋伯爵茶。特濃朱古力上面有好厚嘅朱古力粉，飲嗰時小心濁親，朱古力味好濃。伯爵茶飲完可以re-fill熱水落茶壺度。伯爵茶唔算好濃都唔係好淡隻。