Video
Read full review
2008-06-03
1 views
與友人在銅鑼灣大戰sell屎幾十回合後,疲憊不堪,係只求雙腳可以休息的情況下,誤打撞誤咁入咗傳說中的日式漢堡包店Freshness Burger. 但又吃不下整個出名的漢堡包, 唯有試吓佢個法蘭克福芝士熱狗當下午茶.味道 自問對美式日式漢堡包都有食開和要求,但日式熱狗卻是第一次,細細的洋葱粒和酸瓜粒,軟身的麵包和粗大的香腸配上香而不濃的芝士,每一樣分開都好似好正,但放埋一齊就錯哂,整體極之失望,個人口味喜歡hot dog 有酸甜的味道,番茄醬係hot dog最好的戰友,你唔加比我算,你都比番個位我加啦.打開嗰紙包,見圖,完全不要講誠意,直頭係求其到不得了,d芝士醬太多又係求其"劈"上去,完全唔理個客可以點食,無從入手!有時唔係大堆頭就一定好,醬料的平衡真係好重要.而成個包味道偏淡!!.薯角乏味之餘又冇薯仔味,有冰鮮之嫌!飲過友人杯CAFFÉ LATTE幾好味!!環境+衛生都ok,中規中矩,走美式快餐look,日本可能興,但香港就嫌普通. 服務如上文,整嘢食嗰師傅服務真係差,但樓面就ok, 買完"飛"後有姐姐為你送專登送到枱上,笑容滿分!! 抵食一個加大
與友人在銅鑼灣大戰sell屎幾十回合後,疲憊不堪,係只求雙腳可以休息的情況下,誤打撞誤咁入咗傳說中的日式漢堡包店Freshness Burger. 但又吃不下整個出名的漢堡包, 唯有試吓佢個法蘭克福芝士熱狗當下午茶.
味道
自問對美式日式漢堡包都有食開和要求,但日式熱狗卻是第一次,細細的洋葱粒和酸瓜粒,軟身的麵包和粗大的香腸配上香而不濃的芝士,每一樣分開都好似好正,但放埋一齊就錯哂,整體極之失望,個人口味喜歡hot dog 有酸甜的味道,番茄醬係hot dog最好的戰友,你唔加比我算,你都比番個位我加啦.打開嗰紙包,見圖,完全不要講誠意,直頭係求其到不得了,d芝士醬太多又係求其"劈"上去,完全唔理個客可以點食,無從入手!有時唔係大堆頭就一定好,醬料的平衡真係好重要.而成個包味道偏淡!!.薯角乏味之餘又冇薯仔味,有冰鮮之嫌!
飲過友人杯CAFFÉ LATTE幾好味!!
環境+衛生
都ok,中規中矩,走美式快餐look,日本可能興,但香港就嫌普通.
服務
如上文,整嘢食嗰師傅服務真係差,但樓面就ok, 買完"飛"後有姐姐為你送專登送到枱上,笑容滿分!!
抵食
一個加大咗的hot dog餐三十到尾,最好係杯可樂.....唔抵
後記:今次比嗰喊面主要針對佢個熱狗,師傅教落做人要公平,知道佢主打唔係熱狗,一定會比番個機會佢D Burger,等我!!!!
Post
