龍點心 (中達大廈)

Open Now

Now Closed

位於尖沙咀站，直行兩分鐘嘅海防道，有一間喺社交網站點擊率超高嘅點心專門店，作為一個咩都鍾意食嘅食評家，點會少得飲茶食點心？今日就嚟到呢間近期熱爆嘅龍點心，位於大廈一樓需要行幾級樓梯。上到去已經排緊隊，好彩有好多人埋單，好快有位坐。🧆龍芋酥如果你話係普通嘅芋角，咁就應該唔係！佢裏面嘅餡料好香，好似有少少蝦米味出面熱辣辣，咬落去好鬆化。🐙鹹蛋黃墨魚燒賣面頭有一粒鹹蛋黃，內裏係用墨魚肉打成，個餡有流沙嘅鹹蛋黃！！一口爆汁！！鮮味澎湃🌚黑金流沙奶黃包甜品控必食！半咸甜嘅鹹蛋黃加埋奶黃餡，熱辣辣上枱整返個超正！🦀蟹粉菠菜香蝦餃呢個真係超好味呀！面頭嘅飛魚子卜卜脆，裏面餡料嘅蝦好彈牙！有種好香濃唔知點樣形容嘅味道🥰🐷厚切叉燒腸粉呢度嘅叉燒腸即叫即拉，叉燒非常之厚切但係好鬆軟唔會韌，豉油唔會太鹹，超正！🌠一龍大滿足有六款不同嘅點心，適合大家叫嚟一齊食開心share！