阿木台灣麵 (廣華街) (Closed)

成日聽同事講阿木，終於搵個星期六試左，睇左阿木社交平台十月頭開始可以用手機應用程式theguluhk攞籌等位，好彩預早download左，實測過大約早半個鐘攞籌，去到等冇幾耐就有位。阿木除左台灣麵，仲有便當、拌麵、小食同台式飲料，全部幾十蚊有交易，定價非常貼地親民。另一樣要讚嘅係枱上面嘅湯匙同竹筷都有用膠袋密封，食得更放心。紅燒牛肉牛筋麵($69) - 牛肉麵價錢貼地，但份量比一般台灣麵足料，裡面牛筋同牛肉各兩大舊。阿木嘅牛肉面積一塊已經等於人地兩塊，仲要厚差唔多一倍，目測接近1cm厚，肉質亦好軟腍。牛筋彈牙得黎唔會太韌。麵質唔會太腍，我特別鍾意佢地個湯底，好濃郁惹味。芝士玉鬆蛋餅($42) - 蛋餅質地軟薄，裡面有好多肉鬆，不過芝士就唔多。芝士岩鹽奶蓋炭燒烏龍茶(半價後$19) - 凡點牛肉麵式者台式便當都可以有飲品半價。烏龍茶上面有白色嘅奶蓋，但入口奶味比較淡，芝士同岩鹽味亦唔太突出，比起野食黎講，野飲就較為普通。總結，野食唔差，雖然未至於驚艷，但確係抵食嘅，而家可以喺apps攞籌真係方便好多，唔使早成個鐘去排隊。