唐記包點 (港鐵元朗站)

Open Now

Now Closed

放工經過見到唐記包點出咗阿華田系列就想試吓，我本身已經覺得阿華田好好飲，去親茶餐廳都會嗌阿華田飲，但係之前試過其他鋪頭出嘅阿華田crossover系列覺得麻麻，但係意想不到地佢竟然同中式包點好夾。我買咗個流心阿華田包，就算我放咗20分鐘之後先食，暖暖地都仲有流心效果，個餡好新鮮，真係同阿華田味道一樣，而且甜而不膩，唔會太過死甜，加上中式包點嘅外層鬆軟，確實幾夾。仲買咗一支阿華田奶茶，本身以為係普通台灣或者日本奶茶嘅味道，原來係港式奶茶加阿華田，超重港式奶茶味，勁有新意，估唔到嘅事都幾夾，先係飲到港式奶茶味後飲到阿華田味。再買多咗一個平時都食開覺得超好食嘅章魚肉餅飯同埋鳳爪排骨飯，飯同埋配料嘅質素同一如既往嘅好，而我就再加多份燒賣變套餐，咁就可以免費有多包無糖茶，幾抵。另外再加左兩支豆漿，豆漿甜度啱啱好，一啲都唔會令人口渴，唔似其他鋪頭賣嘅豆漿太甜。