新竹園軒

Open Now

Now Closed

今日唔煮飯過嚟尖沙咀呢間酒樓食晚飯🍱，酒樓喺中國五礦大廈3樓，面積都頗大，空間俾人好舒服嘅感覺，而且裝修高雅簡約，就算喺度坐得耐啲都好舒服。我哋三個人👨‍👩‍👦叫咗四個小菜食，全部都好好味，小朋友都好鍾意食。👍避風塘瀨尿蝦🦐瀨尿蝦香辣味和蒜味十足，真係超級惹味。瀨尿蝦又肥又大隻，蝦肉超多，而且鮮甜又爽口，真心好味到連手指都要吮埋。西蘭花炒帶子🥦呢度西蘭花炒帶子用咗蒜片去炒，令西蘭花同帶子嘅味道更加惹味更加香，帶子軟腍腍，阿仔都好鍾意食。西蘭花仲仍然保持爽脆口感，果然酒樓炒嘅比自己炒嘅一流一百倍，成碟菜都好滿意。海鮮雜菜煲🍲老公話想食呢個海鮮雜菜煲，估唔到入邊有超多海鮮蔬菜，有鮮蝦，帶子，魷魚，杏鮑菇，西蘭花，大白菜，芫荽，粉絲，湯底亦充滿鮮味。真材實料又好味，真心抵食！當紅炸子雞🐔炸子雞即叫即炸，外皮脆卜卜，入邊充滿雞油脂令雞肉又香又滑。雞肉熱辣辣食落去滋味十足，如果驚油膩佢都有檸檬可以俾我哋，加上檸檬汁又多咗一份清新味道。