咖啡閣

Open Now

Now Closed

娘親最愛食拿破崙餅，知道呢間酒店芒果拿破崙係名物，於是係酒店Eshop訂左一個，仲有折扣，打去confirm原來已經唔需要print out個收據，可接受電子版本，十分方便及支持環保。訂左2點取餅，早左少少到酒店，職員問左電話號碼就知道訂單。搵左陣發現蛋糕未送到落黎，有細心解釋因為會按時新鮮製造，聽到非常加分👍🏻但知道客人黎左都會跟進餅房進度。等左15分鐘，一個新鮮既芒果拿破崙拎左黎，職員再次細心講解個蛋糕可能未雪實，要小心拎及盡快回家放番雪櫃。當晚再取出食用，芒果十分甜美，厚切好滿足，應該用上呂宋芒品種。拿破崙下層有吉士同埋酥皮，圍邊鋪滿杏仁，雖然樣子同其他拿破崙唔一樣，但食落感覺仲滿足，啖啖都有吉士，又唔太膩。終於明白成為名物既原因。