sensory ZERO (瑞安中心) (Closed)

前同事轉左工返灣仔，佢約我近近地一齊食lunch。我叫左日式叉燒溫泉蛋飯同痴_線朱古力，前同事叫左煙肉帆立貝扁意粉配番茄汁同可可奶茶。日式叉燒溫泉蛋飯拮穿隻溫泉蛋撈埋啲飯食一流，叉燒入口好軟腍，味道唔錯，不過份量比較細，就算飲埋痴_線朱古力都唔太夠飽。痴_線朱古力個樣好澎湃，幾好飲，唔太甜，比我想像中細杯，罪惡感即時細左。Lunch time加$10就有得飲啦。煙肉帆立貝扁意粉配番茄汁我目測好足料，同事話味道正常。可可奶茶加左$5，估唔到有拉花，同事話奶茶底上面鋪左可可粉。