韓日屋燒烤放題 (Closed)

韓日屋位置尚算方便，油麻地地鉄站過來約5分鐘就到兆萬。餐廳環境正如店名般fusion，令人分到唔係食緊放題定韓燒。雖然我見唔到餐枱有抽風機，但感覺這𥚃的通風系統做得幾好，唔會煙霧瀰漫，離開嘅時候亦都唔會覺得啲衫褲充滿油煙味，值得一讚！首先當然要試呢度嘅魚生刺身，刺身船外形很別緻，賣相不錯！刺身質素也尚算不錯，尤其喜歡馬刀貝，十分爽口，甘蝦亦十分鮮甜，幾款魚生都很新鮮。壽司方面就比較遜色，問題是出在D壽司飯方面，一舊舊太實了。跟著想飲湯，見有人參雞湯就一於試下，飲完覺得比想像中的美味，不會苦澀，而且有少少雞肉食。天婦羅方面，以蝦比較出色，其他如蕃薯則略硬，所以之後再encore了一次純蝦天婦羅。這𥚃比較有特色的招牌菜應該算是牛肋骨，絕對不怕會燒不熟，因為一早已切好成薄片，整齊地包住一整塊肋骨上碟，只需展開便能舖在燒爐上慢慢烤熟。牛肉味香濃、口感也十分好！另一推介之選是雞肉和雞翼，肉質十分軟滑，燒得微焦後香味四溢，加上各款醃料後肉味更香濃。食完主食已經好飽，但見出面又有甜品同飲品，我選了幾款，最後捧著一個大肚子離開。整體而言，無論係裝修環境、食物質素、價格同服務都唔錯！