Hot Pot 熱‧海鮮火鍋私房菜 (Closed)

正所謂打邊爐無分季節，我無時無刻都會搜羅一啲打邊爐勝地！朋友介紹今日試咗呢間打邊爐餐廳，都幾唔錯！地方闊落，通風系統良好，食完之後件衫都完全冇邊爐味。我地叫咗個二人套餐，湯底揀咗胡椒酸菜白肉鍋。鍋底用料新鮮，入面已有好多白肉，味道唔會太濃太辣，無味精味，食完唔會口乾。套餐仲包了唔同嘅火鍋配料，有黑豚肉、炸魚皮、蔬菜拼盤、水餃、烏冬等等，仲包飲品，完全唔使煩叫咩，方便快捷，上菜速度快，侍應態度又良好，成個打邊爐體驗都好好！蔬菜拼盤擺盤漂亮，蔬菜十分新鮮肉類比較瘦，但煮熟後一啲都唔鞋，好有肉味，食得出係高品質肉片其他配料都好新鮮，份量不算多，但夠二人食