老三火鍋 (Closed)

未去前好期待, 因為我個朋友係咁話好食。火鍋料都新鮮既, 係碟廣島蠔完全係一舊舊冰, 熟咗之後成陣雪味! (最衰唔記得影相 >.<)佢地個主打老鴨湯, 我飲完尋晚成晚都好口渴, 仲延續到今朝 咁幾好飲都無用啦, 何況唔係話真係咁好飲...)佢地無茶水, 叫咗一JAR小麥草蘆薈 (點解無竹蔗茅根架??) 幫唔到手, 越飲越口渴!亞姐建議我地叫特級手切肥牛 ($188), 結果我地叫咗手切肥牛 ($138), 所謂的肥牛無乜油脂, 切得好厚, 輕輕一灼已好靭, 又無味, 唔掂…可能我地無叫貴嘢啦…至於我最鐘意既魚類就OK啦, 脆肉鯇好厚 (上次新星嗰D好食D), 蜆都OK, 而鱔叫做新鮮囉, 不過有D靭。其他都係普普通通, 無乜特別。其實個老鴨湯底唔係貴既, 好似係$78, 如果唔怕口渴可以試一次 (一次夠了)!呢個價錢其實仲有好多選擇。