PASTEAKO

呢間新開意粉牛扒餐廳最近好hit 緊係要book黎試試啦一入門口可以先選擇自己嘅刀具，把把都好有特色，儀式感滿滿。前菜有菠菜，酸酸甜甜嘅醋非常開胃意粉好大碟，可以自己選擇咩醬配咩意粉。手工意粉好有咬口，啱曬意粉狂迷，大讚！更加可以係你面前刨cheese，多到你叫停先會停。好滿足啊！ 肉類方面可以選擇肉眼或西冷，我2款肉都食曬，肉味不太出，一般般啦。不過始終唔係專門鋸扒嘅西餐廳，價錢擺係度，可以接受啦！甜品係tiramisu，依然係儀式感滿滿，會係你面前磨朱古力粉。不過我略嫌太濕，好似擺太耐融曬咁，口感麻麻地。