校長燒肉日韓料理 (沙咀道) (Closed)

上個禮拜難得大家都放假，就約埋一齊去食放題。朋友提議去荃灣沙咀道的校長燒肉食燒烤放題，於是就訂左位一齊去食。燒肉火鍋類選擇多，有肥牛、丸類，一口牛、黑椒牛扒，豬頸肉，豬扒，雞扒，雞翼、魷魚。肉類選擇都幾多，醃製得剛剛好唔會話太濃味或者淡。烤爐上鋪左張牛油紙，店員會幫我地換紙，服務貼心。壽司區壽司刺身有赤蝦、三文魚、馬刀貝、帶子等，三文魚等，夠新鮮，質素唔錯。飲品方面除左紙包同罐裝飲品，仲有韓國啤酒、黑啤同梅酒，啱晒三五知己一齊歡聚暢飲。估唔到放題都有點心食，餐廳有架點心車，有多款點心可以揀，有排骨、珍珠雞、鮮竹卷等。原來除左點心外仲可以嘆埋茶，餐廳有個沖茶位，提供各款茶葉比客人自行沖泡，茶葉種類幾多，有洛神花茶、無花果、香片等。甜品選擇也好多，芝士餅、啫喱、奶凍等應有盡有，仲有個雪糕機自己裝雪糕。