日日涮 (Closed)

見openrice 有83折coupon，$238任食2小時+海洋盛合+刺身任食，價錢唔太貴，一試也無妨。日日刷就在創興廣場6F, 門面仲有DIY小食Corner，有棉花糖機，又有格仔餅整。入座就揀左兩款湯底-昆布清湯及牛肉湯底，牛肉湯底有厚厚牛肉，營養十足！肉方面，package 已包肥牛，黑毛豬及雞脾肉。店員推介，我地再加$50升級美國頂級牛小排，款款鮮肉又好味。海洋盛合，有AB兩款選擇，貪食gei我，就兩款環哂，有齊半隻龍蝦、鮑魚、扇貝、桶蠔、花甲、海蝦；半隻蟹、蟶子、貴紀蚌、青口、沙白。簡直係一餐海鮮大宴，海鮮絕不騙場，款款鮮甜，食完已經飽飽地。刺身選擇貴精不貴多，簡單選左幾款，味道都非常新鮮。自助區方面-好多蔬菜/什菇/豬紅/炸魚皮/什丸等等，選擇豐富，另設小食專區開開胃。飲品/雪榚/甜品，選擇都非一般多，一次都係試唔完。秉持餐廳精神-惜食！咪做大嘥鬼，未有機會試款式，下次再黎過！