板燒郎燒肉鐵板放題料理專門店 (Closed)

之前一直聽朋友介紹過呢一間餐廳，今日決定去試一試，都有少少驚喜。梗係講咗價錢先啦，平日每人229+1 都算合理嘅價錢，二我哋就選擇咗升級版+138可以任食長腳蟹生蠔鮑魚等等。好少放題餐廳都可以任食生蠔同超級大隻嘅赤蝦，不過生蠔就一定要燒，而且味道亦都一流，但係好可惜嘅就係等待美食嘅時間太長啦，唯有每次係等嘅過程食住其他嘢等先啦。佢哋本身嘅食物原來有好多，壽司同刺身同出面餐廳嘅質素差唔多啦，反而長腳蟹仲有鮑魚同埋和牛值得推介，升級版名副其實。另外要提一提嘅係服務員熱心嘅態度，收碟收得快，食物亦都會幫你跟齊，幾好嘅一次用膳經驗。