阿久根和牛立燒店 (Closed)

依間餐廳店舖細細，但嘢食選擇好多，本身以為淨係得日式燒肉，但原來仲有涮涮鍋！首先叫左個阿久根和牛涮鍋($148)，係壽喜燒湯底，好甜好濃味，牛有三款，分別係肉眼、三角肋肉、同肩胛，各有千秋。肉眼就入口即溶，啲紋好靚！三角肋肉牛味重油脂都多。肩胛係運動較多嘅部份，較為有口感。除左肉之外仲有菜、菇、豆腐、烏冬等等。生菜仲係免費添！另外當然要試燒肉，叫左牛小排（$148）同黑豚西冷（$78）個牛油花均勻，肉質結實，口感真係好好！個豬就好薄，燒完幾脆，但都保持到多汁。今餐真係好豐富，材料高質，選擇又多！