和藏 (Closed)

講到食自助餐，大家可能會諗起去酒店食。但作為普通市民邊有錢成日去酒店，近年興起食樓上舖，今日就去咗一間係工廠大廈既。但一上到去，第一眼揾唔到間餐廳，原來佢個樣係似生蠔批發多啲。因為係半自助餐，自助食品選擇唔多，不過都夠食，因為食返跟餐食物已經足夠飽肚！同埋勝在有生蠔、長腳蟹、青口等任拎。海鮮拼盤賣相唔錯。雖然佢會送上拼盤，但芥末同鉸剪要自己出去拎，未夠方便，有待改善。三文魚食落無雪味，魚肉亦結實。食長腳蟹識食一定係原隻腳開。蟹肉鮮甜多汁，正！其他食物普通，惟帶子太細，而且望落暗淡無光，入口亦毫無鮮味，較失色。所謂生蠔批發供應商，我當然要試下佢啲生蠔。不過佢啲蠔未夠肥美，入口略帶腥味。京燒豬仔骨，燒得恰度好處，皮脆肉滑，多汁唔會dry。重頭戲安格斯牛火鍋。個鍋係粥底，啲粥煮得好綿，落牛肉前可以先食啲粥，唔只填肚，簡單享受黎。温罄提示，大家可以早啲叫上。啲安格斯牛肉好香，但需要打耐啲先熟。(可能因為係粥底)出面仲有打邊爐既配料任拎，不過我就已經食到飽一飽，所以無再加到。大家黎食自助餐都要盡力而為呀，唔好哂野。呢度仲有樣隱世美食，豆腐花。無錯，係西餐廳食中式甜品!佢滑不留口，而且充滿豆香。豆