嫲嫲雲吞雞 (崇齡大廈) (Closed)

新蒲崗有唔少上海嘢食，呢間成日都客似雲來，經常坐滿人。呢度之所以咁爆場，佢可以滿足到想食款式多但胃口又唔大嘅人。因為佢可以揀半份或者一份，啱晒我呢啲樣樣都想試嘅人。我哋叫咗半份京蔥爆牛肉、半份黃金四季豆、半份黑醋小排骨、半份蒜香孜然排骨、半份酸辣湯。⭐️京蔥爆牛肉京蔥炒得好香，牛肉有醃過，唔會韌，好好食👍🏻⭐️黃金四季豆鹹蛋黃同四季豆簡直係絕配，四季豆加咗鹹蛋黃炒變得好香口，四季豆夠爽口，非常惹味！🌟黑醋小排骨排骨落左黑醋去炒，食落酸酸地，非常開胃，送飯一流⭐️蒜香孜然排骨排骨用蒜頭同孜然一齊炒，夠晒鑊氣，蒜味超香。⭐️酸辣湯酸辣湯半份嘅份量都相當大碗，而且好足料，有雞蛋、筍、木耳絲等等，酸酸辣辣，非常醒胃！