燒皇燒烤專門店

Open Now

Now Closed

一直都好想食雞煲，朋友就介紹左呢間位於荃灣嘅燒皇燒烤專門店俾我，除咗雞煲之外聽講仲有唔同嘅串燒食可以話一次過滿足晒兩個願望呀。同普通嘅燒烤店一樣都有得坐露天位，唔鍾意露天嘅朋友都可以揀返喺餐廳入邊，地方都好闊落仲有大電視添。野食方面有幾款唔同嘅雞煲，見到呢個養生嘅椰子煲推介，就試吓個椰子雞啦。由於我哋兩個人食所以只係叫咗半隻雞，之後仲可以嗌唔同嘅配料去加湯打邊爐。個椰子鍋嚟到喇，真係好香椰子味，雞嘅份量都好多仲要好滑，好好食呀跟住我哋叫左一個羊肉片同埋菜可以食到一半落去打邊爐，唔錯架呢個椰子雞湯底打邊爐。嚟到呢度當然唔少得試吓佢嘅串燒啦叫左幾款有沙嗲雞串，牛脷同埋牛肉串仲有呢個無論賣相同味道都好正嘅鵝肝多士，大大粒鵝肝啊煎到脆脆地連埋多士真係超正啊跟住仲叫咗個烤魚，有幾款唔同嘅魚俾你揀，個魚燒到啱啱好啲肉，非常之滑，再配埋特製嘅豉油超正仲有唔同嘅飲，啤酒汽水之外仲有我好鍾意嘅涼茶加多寶添