Video
Read full review
2018-08-19
28 views
肥妹仔近排工作上有啲唔如意，做嘢做得唔係幾開心……所以肥妹仔嘅朋友就決定帶我去食一間又有得食甜品雪糕又有得食正餐既日式餐廳， 話cheer up下肥妹仔我喎!火鍋大割引50%肥妹仔見到個餐牌寫住霜降牛肉火鍋50%大減價， 睇落非常吸引，而在場都見到唔少客人叫咗呢一個火鍋呢!可惜肥妹仔前日已經去咗打邊爐，所以今晚就決定唔叫呢一個優惠套餐，不過肥妹仔下次有機會嘅話一定會試下~海老天婦羅烏龍麵 $92肥妹仔我好鍾意食烏冬或者烏龍麵，而且又鍾意食炸物，所以見到呢一個就叫咗嚟試下! 呢個餐入面有兩隻炸蝦天婦羅同一啲炸蔬菜， 天婦羅蝦炸到脆卜卜， 點天婦羅豉油食好滋味!而且佢嘅炸蔬菜有炸秋葵食，係肥妹仔喺其他日式餐廳比較少見到，值得一讚。 佢嘅烏龍麵屬於幼身面， 煙煙靭靭 ，湯底就係磨菇同醬油湯底，食落去好重蘑菇嘅香味。唐揚炸雞 $52炸雞粒件件都大大粒，新鮮熱辣炸起，上枱時都仲係冒緊煙!雞肉嘅肉質都算嫩滑， 點沙律醬食都幾好食。熊本霜降西冷定食 $142肥妹仔同朋友仲另外叫咗一個霜降西冷定食!呢個定食係跟一個蟹子沙律，麵豉湯同白飯，另外仲有一個甜品㖭~個西冷扒係煮度大約三成熟就上枱，如果客人
火鍋大割引50%
肥妹仔見到個餐牌寫住霜降牛肉火鍋50%大減價， 睇落非常吸引，而在場都見到唔少客人叫咗呢一個火鍋呢!可惜肥妹仔前日已經去咗打邊爐，所以今晚就決定唔叫呢一個優惠套餐，不過肥妹仔下次有機會嘅話一定會試下~
海老天婦羅烏龍麵 $92
肥妹仔我好鍾意食烏冬或者烏龍麵，而且又鍾意食炸物，所以見到呢一個就叫咗嚟試下! 呢個餐入面有兩隻炸蝦天婦羅同一啲炸蔬菜， 天婦羅蝦炸到脆卜卜， 點天婦羅豉油食好滋味!而且佢嘅炸蔬菜有炸秋葵食，係肥妹仔喺其他日式餐廳比較少見到，值得一讚。 佢嘅烏龍麵屬於幼身面， 煙煙靭靭 ，湯底就係磨菇同醬油湯底，食落去好重蘑菇嘅香味。
唐揚炸雞 $52
炸雞粒件件都大大粒，新鮮熱辣炸起，上枱時都仲係冒緊煙!雞肉嘅肉質都算嫩滑， 點沙律醬食都幾好食。
熊本霜降西冷定食 $142
肥妹仔同朋友仲另外叫咗一個霜降西冷定食!呢個定食係跟一個蟹子沙律，麵豉湯同白飯，另外仲有一個甜品㖭~個西冷扒係煮度大約三成熟就上枱，如果客人想食熟啲就自行喺鐵板上再輕輕燒熟佢，肥妹仔我就覺得啱啱好唔需要再煮熟啲啦。 霜降西冷扒牛肉嘅肉味好濃， 肉質嫩滑 ，點埋個燒汁可以撈埋成碗白飯食，而個沙律前菜就好新鮮好fresh，飲埋碗麵豉湯就飽啦!
草莓聖代
呢一個草莓聖代係跟霜降西冷定食，雪糕有分別有軟雪糕同硬雪糕， 兩者都好濃雲呢拿味! 肥妹仔我係比較鍾意食軟雪糕，因為軟雪糕嘅口感比較順滑， 雪糕淋上草莓醬食仲加滋味!
Post
