金九記海鮮火鍋酒家

Open Now

Now Closed

今日平安夜黎食，一早訂左檯，四個人七點到無乜人，坐低老板娘就埋黎介紹食物，叫左唔少野，樣樣名物都想試下：雞腳好入味，唔太咸，唔錯。蟶子好爽口好惹味。蝦幾大隻，開隻好入味，豉油味濃。雞有雞味，唔似冰鮮貨，沙薑味夠無使點都好入味。吊桶好新鮮，好爽口，唔怪得檯檯都叫。魚肉好滑，剛剛熟，正。蝦好新鮮，肉爽口。蟹肉味濃，但唔太實肉。薑汁味唔太夠，但菜好脆口。仲有鮑魚同豉油王炒麵唔記得影，其實四個人食咁多野真係幾誇，不過每樣少少，樣樣都試到。總括黎講樣樣食物都好新鮮，味道亦好好，調味唔會太濃蓋過海鮮味。埋單千七蚊，一次過試晒咁多樣名物，都算相宜。