人和月雞煲火鍋店 (Closed)

有冇人同小編一樣都鐘意食雞煲呢? 前排係尖沙咀行行下街就發現左樓上火鍋放題，環境闊落座位舒適。除左可以食到雞煲之外，仲可以換煲用其他湯底打邊爐! 唔食雞煲既都可以揀酸菜魚、卜卜蜆等當頭盤，另外仲可以加$58升級食埋好少見嘅酥皮麻辣芝士雞煲或烤魚，今次就揀左C餐食埋海鮮，選擇都好多架 澳洲M4和牛海鮮大滿貫 $398 酥皮麻辣芝士雞煲絕對係相機食先! 大大塊酥皮食落鬆化酥脆，配上入面既麻辣雞件同拉絲芝士，邪惡得黎又好滋味 懷舊沙嗲濃湯多達8款湯底選擇，沙嗲味都好香濃，下次有機會試埋其他湯底先 海鮮盤留意番海鮮盤只會上一次，配料都好豐富，包括扇貝、海蝦，鮑魚、青口同蜆，海蝦夠彈牙，青口同蜆都冇沙，套餐仲會送即食蒜蓉牛油鮑魚，煮得剛剛好幾惹味 美國牛肉大滿貫拼盤鍾意食牛既朋友仔要試吓! 有多款牛肉部位，例姑澳洲M4和牛、牛舌、安格斯牛小排等等，牛味都好香濃 另外配料可以掃碼下單，包括肥美廣島蠔，嫩滑脘魚片等，自取區可取菜類，丸類，菇類等配料，最後記得留番少少肚食甜品，佢地除左有雪糕仲有棉花糖機同DIY涼粉，味道都唔錯架