Hunger Burger

Open Now

Now Closed

西九龍廣場嘅food court，不嬲選擇都幾多，只不過唔係樣樣都啱去做外賣，但係漢堡包拎返屋企食就一流👍👍👍本來想嗌芝士瀑布漢堡包，可惜外賣冇做，如果下次有機會嘅話，一定要叫黎食，見到都吸引呀。1.wasabi吉列豬堡🐷🐷🐷🐷雖然係話吉列豬，但係豬扒嘅肉汁都可以保存得到，另外wasabi醬汁嘅味道唔算太濃，唔會掩蓋豬扒嘅味😻😻2. 南亞風香是拉差醬雞堡🐓🐓🐓叫咗個豬，所以就想叫一個雞，兩種唔同嘅口味，另外我見到醬嘅名好特別，所以就想叫黎試下，醬汁味道有啲似沙律醬，有啲甜甜地，配搭住番茄同埋洋蔥，食落都好開胃。🤤🤤雖然呢次只係叫咗兩個包，但係其實係可以配薯條，只不過我哋呢次怕太飽，所以冇配到 。如果大家黎，可以配埋咁就啱啱好喇。