GāGǐNāng 飯館 (Closed)

位於海港城內的飯館，是朋友介紹之必食食餐廳之一，襯著今晚同朋友出開尖沙咀，一於試一試，位置都算容易搵。門口有好大個飯館招牌。由於疫症關係，平時朋友話呢間會坐滿人，今日比較少人，只有5-6台客。我地4人坐左可以望到窗邊位，見住個維港景食飯真係嘆食物之餘嘆環境。一開始上左個胡椒豬肚湯，好飲，胡椒味足夠，豬肚都好好食，下面有蠟燭熱住碗湯可以慢慢細味都唔怕凍滷水鵝件併鵝肝 -鵝件好淋好入味，滷水味岩岩好，下面墊左豆腐，豆腐口感食落就比較老，仲有鵝肝係一大舊㗎，好食北海道帶子炒介蘭 - 一上菜時見到d帶子超勁大粒介蘭好爽口又入味, Good!黑毛豬肉餅 - 一望真係估唔到係咩，黑蚊蚊咁，一食又幾過癮，上面舊魚加埋個肉餅食落又幾夾喎干炒和牛寸半河 - 個名奇奇怪怪咁，就叫左黎試下，原來係每條牛河都長半寸🤣係好粗身既河粉，和牛炒河，聽落好富貴，食落勁滋味同埋炒得夠火喉蠔仔粥 - 見到d蠔都溜口水🤤蠔算大粒又新鮮4個人除番開大約每人5百蚊左右，環境舒適，有好大個落地玻璃望到出面海景，食物有質素，用既都係貴價食材，最岩幾個朋友一齊去食飯吹水慶祝