Video
Read full review
2022-08-19
294 views
我呢就幾鍾意食拉麵沾麵嘅，自問都食唔少，喺旺角嘅一生懸麵最近好多人講，次次去到都排晒隊，餐廳推出咗款雪糕拉麵，可能有人會咁嘅組合係糟蹋緊拉麵，不過其實日本都曾經推出過呢個組合。咁今日呢就唔係講呢個雪糕拉麵，因為我唔鍾意食雪糕，所以我係冇興趣食㗎，我今次幫襯係想試佢嘅海老沾麵。當日要OT，成九點先岀到旺角，非常好彩冇人排隊，餐廳入面又有位就入咗去，由於實在太肚餓，除咗碗沾麵仲叫多咗份炸雞。先講吓個主角碗沾麵，我記得我叫嘅係沾麵，沾麵係麵同濃湯分開上，重點係濃湯兩隻字，我眼前碗湯絕對唔係濃湯，碗湯淡而無味而且稀到水咁，我敢直接飲晒佢都唔會怕腎虧，我個腎去柬埔寨活摘都仲可以賣到個好價錢。個炸雞為餐廳加返少少分，味道同份量都ok嘅，係啲炸粉厚咗啲咁。另外想反映嘅有兩件事，一係職員二係PR，我上面都有提及過我九點先坐低食，當時除咗我仲有三枱食客，兩個職員好似嫌我哋阻住佢收工咁，見我食完個炸雞就即刻收起隻碟，放低筷子嗰刻就走過嚟收咗隻碗同問我幾時埋單，我食到好飽同佢講想坐多陣先，同埋食完九點半都未到，其他食客都仲食緊，點知個職員連個水壼都收起埋想抹枱，大佬我仲坐咗喺喥㗎，我問佢可唔可以加多杯水先，
咁今日呢就唔係講呢個雪糕拉麵，因為我唔鍾意食雪糕，所以我係冇興趣食㗎，我今次幫襯係想試佢嘅海老沾麵。
當日要OT，成九點先岀到旺角，非常好彩冇人排隊，餐廳入面又有位就入咗去，由於實在太肚餓，除咗碗沾麵仲叫多咗份炸雞。
海老沾麵
$85
21 views
0 likes
0 comments
先講吓個主角碗沾麵，我記得我叫嘅係沾麵，沾麵係麵同濃湯分開上，重點係濃湯兩隻字，我眼前碗湯絕對唔係濃湯，碗湯淡而無味而且稀到水咁，我敢直接飲晒佢都唔會怕腎虧，我個腎去柬埔寨活摘都仲可以賣到個好價錢。
唐揚炸雞
$32
11 views
0 likes
0 comments
個炸雞為餐廳加返少少分，味道同份量都ok嘅，係啲炸粉厚咗啲咁。
另外想反映嘅有兩件事，一係職員二係PR，我上面都有提及過我九點先坐低食，當時除咗我仲有三枱食客，兩個職員好似嫌我哋阻住佢收工咁，見我食完個炸雞就即刻收起隻碟，放低筷子嗰刻就走過嚟收咗隻碗同問我幾時埋單，我食到好飽同佢講想坐多陣先，同埋食完九點半都未到，其他食客都仲食緊，點知個職員連個水壼都收起埋想抹枱，大佬我仲坐咗喺喥㗎，我問佢可唔可以加多杯水先，見到佢好唔耐煩咁拎返個水壺出嚟。唉走囉咁，你咁想趕我走咪走囉，我埋單走嗰陣見兩個職員企喺另一對食客張枱側面唔知做乜，可能想比啲壓力食客等佢哋都快啲走。
PR，有上ig或者喺社交平台嘅拉麵群組都會見到一生懸麵嘅食評，睇得多你會好易睇得出邊啲係打手，好多都寫得好hea，我知你收咗錢或者食咗餐免費飯，不過都專業少少好嗎，臨時演員都係演員，唔好寫得咁假啦。拉麵群組都係咁，我唔知你合約係咪要求你要喺群組登篇食評，唔好一加入群組就即刻登篇假到笑嘅食評然後退出群組啦，係人都知咩事啦咁。我並冇針對任何打手或者Foodie，我睇唔過眼嘅係佢哋完全唔專業，0專業態度，真係純粹呃飯食。
一生懸麵，冇改錯名，一生只食一次懸麵，完。
Post
