大滿屋日本料理 (Closed)

今晚同女友係觀塘行完街，知道亞太中心係開飯既集中地！所以我地就去左果度搵食~~大滿屋既地方都幾大，坐爆哂人都冇逼夾感。裝修簡單，但有好多和風既擺設，幾特別。我地試左咁多野食，覺得有幾款好食，大家記得要點！！--新鮮甜蝦--甜蝦非常新鮮，彈牙唔黏口。証明d蝦新鮮無長期冷藏。--原隻蟹粥--粥底煲得好綿好滑，加上原隻蟹肉，鮮味十分，熱辣辣，好甜好好味。--日式炸紫薯--咬落煙煙韌韌，味道甜甜地既紫薯，幾得意。--串燒翠肉瓜--薄切既翠肉瓜，上面灑上淮鹽，意料之外，超級惹味！食飯尾聲，女友發現窗外有d燈飾同激光，八卦問下服務生外面係咩黎。原來外面係可以行出去架~~如果有吸煙者既朋友就岩哂了，出面係吸煙區，而家有靚燈飾睇，一邊食煙一邊欣賞，哈。