明星海鮮酒家

Open Now

Now Closed

話說今日嚟個family day，一家四口加埋外婆去飲茶。自疫情後真係比較少去飲茶。星期六嘅下就十二點零鐘食客都算多，近九成嘅入座率。餐廳亦都劃分左唔同嘅區域。星期六午市唔想太抵食。如果想抵啲可以嚟飲下午茶。其實呢間明星又唔算特別好食。只不過係近屋企同埋父母飲開有種情意結。燒賣同鳳爪呢啲飲茶必叫點心都算不過不失。特別想講一講個炆米。超多油。食完成個口都係油之餘亦都滯住個人。大家嚟飲茶無咩必要都唔推介呢個炆米。