群記爽腩店 (Closed)

今天放工執完屋，突然想試一試呢間野究竟掂唔掂！因為記憶中佢剛剛開店時係以超平價去俾人試食，仲主打係牛腩因為我怕肥唔敢食牛腩，營養師話任何腩係最肥嘅，所以我唔敢食！好彩我上咗Open rice睇吓佢有冇魚蛋或者其他餸嘅粉面, 點知原來有喎! 仲有好多其他特別野什麼龍蝦丸雞絲蘿蔔好新奇！所以我就叫咗平時喜歡吃的牛肚魚蛋河粉，或者下次試牛筋都得！ 一嚟到碗粉好靚有D芫茜點輟成碗嘢升哂呢！好多牛肚有兩粒魚蛋一條唐生菜一舊白羅白👍🏻不是求求其其。食落唔錯河粉算滑完全可以接受，最緊要係啲湯望落雖然深色，但食完不口渴！我會再嚟幫襯！估唔到佢幾好食份量同價錢可以接受不算勁貴又唔係最平嗰種，佢勝在材料中上所以呢個價錢OK！另外叫咗碟菜心，佢係落咗好似豉油嘅汁唔錯清清哋幾好味！比起一般落蠔油冇咁鹹添！而且記憶中佢開得夜少少，好多食肆九點就收㗎啦！有時肚餓都多一間店舖可以選擇了！好嘢！我會介紹朋友嚟食。試遲咗佢真係蠢咗！一味淨係識食隔離信興，因為佢哋D魚蛋好好味，但湯底白頼晒及千祈唔好飲，因為我試過口渴架即係落咗味精！泉記又晤抵食貴得離譜份量又少食咗都唔飽成＄50食個粉同菜不如去大家樂食飯。香港仔魚蛋王就都