肯德基家鄉雞 (KFC)

Open Now

Now Closed

居然開左 KFC 喎，探一探先。百無 KFC 無燒雞、無辣雞、無雞胸、無雞蛋、無通粉、無熱湯、無桶餐，只有原味雞上髀、雞膇、雞中翼，炸薯條、葡撻、炸雞扒包，一砌從簡！跟歐美一樣只賣原味，獨孤一味走天涯，那怕您唔食！機場價錢特別貴，還要係 BB 雞的迷你種，$40 蚊有兩件雞，雞膇加雞上髀，無汽水送添喎。原味雞膇加雞上髀，雞仔 size 細細件炸乳雞。雞膇炸得乾爭爭，鞋鞋硬硬，外層油油的，裡面一絲絲煲湯瘦肉一樣。好采至少還有您，雞上髀保留微量肉汁，微弱嫩滑。炸得比想像中乾爽，香料味濃，其實味道唔差，只係乾少少啦。只得兩件雞仔點夠飽，要食多件三文治，追加多杯太平洋榛子牛奶咖啡。早餐不經不覺就 $150，太貴喇麻。