生原創(蛋包飯)

Open Now

Now Closed

夜晚約朋友一齊食飯，佢講起之前食過一間蛋包飯好好食，今次就帶埋我一齊再食。門口普普通通唔顯眼，不過裡面裝潢好靚，可惜冇影到裡面。我揀左最基本既雞肉蛋包飯，配忌廉芝士汁，另外加18蚊轉做流心蛋，好彩有轉！真係好出色，店員仲會走過黎表演切開隻蛋，然後啲蛋就流晒出嚟，跟住佢就曬埋啲調味料上去，蛋好滑，味又香濃，飯都炒到粒粒分明，真係好驚喜！朋友點左三文魚紅菜頭蛋包飯，佢形容都好好食，不過我都係覺得有流心蛋吸引好多！