咖吔

Open Now

Now Closed

今日陪契媽覆診，之後就係將軍澳附近食啲野休息下，黎到呢間餐廳，樓面面積都好大，坐得都幾舒服。首先我地叫左個小食，班蘭咖央多士，呢個非常香脆可口，中間一層牛油同咪咖央醬，食落非常滿足，非常滑溜。必食之選。😋隨後再叫多個二人餐$248，首先就係無骨海南雞（例牌），真係完全去骨，食落非常放心，老人小朋友都岩食，點咪三式醬食更加野味，而且好林，容易入口。唔會好肥，女士們食得安心。第二碟美食係櫻花蝦柚子沙律，柚子係主打，再加啲配菜同醬汁，食落非常開胃。味道唔錯，柚子唔會酸。第三碟係五彩自家手打蝦餅(2件），賣相十分豐富，有好多星星脆脆係面，睇見都唔捨得食，要相機食先。食落香脆可口，比較厚身同乾身，炸到金黃十分有口感。點咪醬食令味道更加提升。最後一碟係馬拉盞通菜，呢個清清地都好好味😋，味道岩岩好。唔錯值得一試。套餐再配咪兩碗油飯，粒粒甘香，真係好滿足。飲品方面就選左美祿哥斯拉，面頭好多脆脆，朱古力味甜到入心，好好味。另一杯係凍青檸紅茶，非常清新清爽。唔會好甜。