北方餃子源 (榮華商業大廈) (Closed)

本人一向好少打食評, 但今日我o係呢間鋪頭所遇到既問題，一定要告知網友。 事緣今日我同兩個同事係該店食ｌｕｎｃｈ，我本人叫了一碗芹菜水餃面酸辣湯底($53)。進食期間一直都冇乜問題，但到最後接近食完之際，我係碗底發現左粒橢圓形物體。我在初期本以為係食材一部份，但睇真ｄ亦同時叫埋同事幫眼睇，粒野有頭有腳，形狀甚似昆蟲。我就同佢地侍應投訴, 個侍應話口未完就收左我碗野話比廚師睇。我就即刻去櫃位同佢地負責人投訴，點知佢竟然話廚師同佢講係木耳絲黎。之後完全冇悔意, 冇道歉亦無任何表示，就咁叫我埋單。此事實在太令人氣忿，為了各食家健康著想,我亦必需將此事件分享,以免有人再中招。