西川風味餐廳 (Closed)

今日難得入屯門，興致勃勃諗住去食雞煲，點知未食已經一肚氣。佢門口寫住開到凌晨三點，咁我十一點半入去諗住無問題啦，坐低其中一個待應拎左張任食既配料紙同調味盤放低就行開左。調味盤其中一個裝蔥既兜係得幾粒蔥，咁當然同佢講叫佢加啦，換來一句，下要蔥呀？我真係莫名奇妙，好我算，繼續畫野食。畫完落單，等等等，等左15分鐘有啲唔對路，因為見到後面個枱八個人入面，有兩個係著住制服，一問其中一個待應話，下我地食緊飯。噢真係對唔住！原來係我阻住你地食飯。120分鐘任食，15分鐘後我一問之下先知原來我要等員工用膳後先入去煮。原來120分鐘係包括60分鐘員工用膳，我地得60分鐘食。當然我最後梗係起身走人，嗌左支大藍妹飲左兩杯仲有半支未飲都算，當$28買個教訓。