麺屋武蔵二天 (Closed)

啲麵條痴埋哂，都唔係一條條分明。同埋麵條冇剪開，要少少咁放入沾麵有難度，因為啲麵拉唔開。啲炸豬扒多筋，唔算梅頭肉，有啲食唔到。個拈麵汁個味就幾好，我要嘅係魚介湯，都幾重魚味，呢個就唔錯。另外要咗杯好似咸甘桔味嘅特飲，個味道都唔錯，只係冇得走冰，要來到上枱自己整走啲冰。整體感覺OK, 不過麵條嘅處理上，有待改善，同埋啲豬扒，唔好咁多筋會好啲。服務都可以，因為疫情關係，餐廳都比較少人，可以保持到同其他枱1.5米距離，都幾安全。