英記油渣麵

Open Now

Now Closed

英記油渣麵係我想去既食店list內已經一段時間，因為佢開店既時間及地點，所以遲遲都未有決心去試。難得收工去左旺角行街，就行遠少少去埋大角咀試下！一入到店內，果然同食評寫既一樣，都未坐低就俾人問要大定要細，由於第一次黎其實餐牌上有咩都未了解，就先叫左兩碗細油渣麵，之後再加雞翼及芝士腸，同埋腐乳通菜。細碗油渣麵睇落份量好小，但其實食埋小食都夠飽，雖然無想像中咁好食，但係比起我係外面食過既油渣麵，呢到既味道算係唔錯雞翼同芝士腸味道正常，$1/1條既芝士腸真係好抵食，另外腐乳通菜唔記得左照相，但係佢個腐乳醬好好味，唔會得個鹹味。整體上味道係唔錯，但係唔會再特登走黎食，除非咁岩經過。