金龍冰室 (Closed)

Happy Friday，雖然想好好歎一個豐富晚餐，但係朋友返夜班，又要趕返工，所以係附近搵間茶記食個飯就算。我叫左個咖喱豬扒焗意粉，但係最後黎左焗飯，因為趕時間，算啦，照食，咖喱汁都算幾濃，微辣，有少少芝士，略嫌個飯底唔係炒飯底，飯過濕，豬扒都算夠淋，夠入味，朋友叫既係芝士雞扒飯，佢話唔錯，美中不足既係朋友叫左杯凍檸檬茶，有4塊檸檬，全部都係檸檬既頭頭尾尾，想拮都無檸檬肉拮，之後同侍應講番，佢都俾番4塊檸檬，整體黎講價錢都算實惠。