佐賀燒肉谷 (大鴻輝(荃灣)中心) (Closed)

一向鍾意去大鴻輝試新嘢，荃灣好就腳方便約朋友食飯。呢間新嘅日式燒肉放題試過就算啦，普普通通冇下次，勝在新同埋座位好坐。今次試左個D set, 17:00前可以每位減$40👍🏻四個人坐好鬆動，用QR order,每次而只可以落10樣嘢🙈（即係落10塊牛舌已經夠啦），仲要隔一分鐘至可以再落單，如果多人食都真係會好狼狽。開始有呢set九宮格試，呢set嘅牛舌係最好食，之後嚟果啲都好差。🤦🏻‍♀️蝦好大隻，朋友燒到剛剛好，好彈好食。帶子一般，燒完縮得好勁😂呢盤蔬菜都算新鮮，南瓜好好食。其實仲有涼拌冇影到相，海哲好爽唔錯。食120分鐘，上菜速度都算快，但有漏單情況。Lunch咁少人食都漏單，如果忙點算😂過時都冇吹人走，不過會逐個輪住行過嚟望下，俾下壓力你哋😂😂留意返，有十個職員係逐個過嚟望😂😂最後cut last order,有漏單情況下吹左分別三個同事至上到叫菜🥲🥲🥲其中有個女職員仲要話落咁多驚你哋食唔晒🙃食過咁多放題，第一次聽到呢句🤣🤣所以呢間真係冇下次😅牛肉質素非常一般，呢個價錢附近太多選擇啦。