百份百餐廳 (交通廣場) (Closed)

朝早行過好多次見好多人食早餐但都無試過，琴晚經過試試晚餐得唔得。首先坐底想講就係店內乾淨程度，但真麻麻，枱頭痴「立立」，櫃桶d刀刀叉叉有漬又痴住飯粒，總之唔係好想掂囉。最後都繼續坐底點咗紅燒枝竹豆腐魚柳煲晚餐套餐，套餐可升級加$6轉特飲，咁我就升咗叫咗個牛乳台茶涼粉冰，原價要$22，咁睇價錢都ok抵嘅。個枝竹豆腐腐魚柳煲份量唔少，魚柳最少都有7-8嚿，個味都調得幾好味，唯獨是d菇唔新鮮，我要全部菇揀出嚟唔食。除咗d菇，其實呢味餸都唔錯。至於杯牛乳涼粉冰就十分一般嘢，我會寧願飲凍奶茶囉。