Video
Read full review
2020-01-06
114 views
王子神谷 #尖沙咀成間餐廳嘅裝修外型都好似係日本嚟咁，但其實佢係台灣過江龍嚟嘅疏乎厘，位於美麗華對出嘅一間小店，冇堂食嘅座位，但係附近都有啲樓梯位可以坐。當你夜晚九點幾左右去到，即叫即整，等咗10分鐘左右就有。焦糖脆脆脆皮濃厚北海道牛乳軟雪糕 $90有兩大塊疏乎厘，上面鋪滿忌廉、以前美心天使蛋糕嗰啲焦糖脆脆同埋乾果，配上淋有焦糖醬嘅牛乳軟雪糕，外型唔錯，味道都可以，但係口感就一般，空氣感唔夠重，較紥實，又偏濕，有少少塔塔地黏黏地嘅感覺。最好食嘅反而係雪糕，幾香牛乳味配上焦糖醬、腰果、杏仁令到成個味道甜得來仲有少少nuts嘅香。整體來講中中挺挺，唔係一間會想再食嘅疏乎厘，亦唔特別推介。另外佢哋而家期間限定日本福岡田甜王士多啤梨味軟雪糕配疏乎厘$95，見到真係有幾舊士多啤梨，但都係普通原味嘅疏乎厘，值唔值得試就見仁見智。味道: 3/5性價比: 3/5
成間餐廳嘅裝修外型都好似係日本嚟咁，但其實佢係台灣過江龍嚟嘅疏乎厘，位於美麗華對出嘅一間小店，冇堂食嘅座位，但係附近都有啲樓梯位可以坐。當你夜晚九點幾左右去到，即叫即整，等咗10分鐘左右就有。
焦糖脆脆脆皮濃厚北海道牛乳軟雪糕 $90
有兩大塊疏乎厘，上面鋪滿忌廉、以前美心天使蛋糕嗰啲焦糖脆脆同埋乾果，配上淋有焦糖醬嘅牛乳軟雪糕，外型唔錯，味道都可以，但係口感就一般，空氣感唔夠重，較紥實，又偏濕，有少少塔塔地黏黏地嘅感覺。最好食嘅反而係雪糕，幾香牛乳味配上焦糖醬、腰果、杏仁令到成個味道甜得來仲有少少nuts嘅香。
整體來講中中挺挺，唔係一間會想再食嘅疏乎厘，亦唔特別推介。另外佢哋而家期間限定日本福岡田甜王士多啤梨味軟雪糕配疏乎厘$95，見到真係有幾舊士多啤梨，但都係普通原味嘅疏乎厘，值唔值得試就見仁見智。
味道: 3/5
性價比: 3/5
王子神谷
$28
11 views
0 likes
0 comments
王子神谷
$28
18 views
0 likes
0 comments
Post
