Orange Elephant Thai Restaurant (博文街) (Moved) New Location

FB 見人post 左，$1 條烏頭咋！ 決定要去會一會佢。細心再睇睇，原來係每日有不同的 $1 菜式，例如炸蝦餅、炒通菜、炸豬排、無骨鳳爪、咖哩雞同啤酒，日日不同。而星期三就係 $1 烏頭，我當然等果日先去啦！奧運站出來經天橋，遠遠已經見到隻橙象，白色門面，大大隻字，幾 sharp ！內裡環境都幾好，枱夠大張，平日晚上七點左右已經高朋滿座，都幾熱鬧架！餐牌泰式明爐烏頭魚 $1主角，原價$162 的烏頭，今日一蚊咋，一定要食啦。唔算好大條，不過有不少香葱、芫茜、姜、肉粒同菇做調味，仲有個火爐烚下烚下，好香喎！魚肉好嫰滑，湯底略嫌清左啲。附上的酸辣汁夠辣，即時美味加分。一蚊真係抵到爛。咖哩海鮮脆飽盎 $142賣相實在吸引，上菜時隔離左右都忍唔住望過來。黃咖哩，好香椰奶，香而不辣。隱約食到有點蛋白絲，質感真的不錯。海鮮有大隻的珍寶青口、蝦仁、魷魚、班塊，啖啖肉幾豐富。而墊底的麵包絕對係靈魂所在，好脆囗的法包，有刀叉方便將個麵包盎切成一片片，索曬D咖哩汁，正呀！果然係必食推介。咸肉炒椰菜苗 $64蔬菜我地order 左椰菜苗，去食泰國野如果唔食吓椰菜苗好似欠左啲乜，話曬平時好少有得食呢種菜。