Video
Read full review
2017-06-12
983 views
小妹真係好好好中意食芝士，芝士蛋糕更加係最愛嘅甜品之一，所以收到風話Cheesecake Factory係香港開分店就即刻約閏蜜朋友去試，等左咁耐，終於食到啦啦啦，很是興奮的！我係下晝兩點半度到，本身諗住佢都開左一排，又唔係lunch或dinner時間，應該少d人掛，而且門口排隊嘅人龍都唔長。點知原來條隊係排黎拎我籌，到我嘅時候，個女仔好細心咁提醒我話要等90分鐘，問我等唔等，我當然等啦！但實在太肚餓，所以我地去附近醫左肚先返黎，果然唔遲唔早，90分鐘即刻到我地。Cheesecake Factory嘅燈光真係幾昏暗，而且偏紅色，我地想同d cake合照都唔係咁易，會影到個人塊面太紅，不過情調是不錯的！我地一坐低就有個外籍嘅侍應遞上menu而且好熱情咁問我地係咪第一次黎，仲好詳細咁介紹佢地熱賣嘅款式，包括以下3款。聽完意見之後，我地都認真地研究左一陣，發現menu好多蛋糕名都好特別，例如Chris'克里斯驚人芝士蛋糕、Craig's克雷格瘋狂紅蘿蔔芝士蛋糕同朱古力燕尾服忌廉芝士蛋糕，真令人好奇到底係咩味道！ 但我地為免中伏，最後都係叫左最受歡迎嘅鮮士多啤梨芝士蛋糕、無敵紅絲絨芝士蛋糕同奧
我係下晝兩點半度到，本身諗住佢都開左一排，又唔係lunch或dinner時間，應該少d人掛，而且門口排隊嘅人龍都唔長。點知原來條隊係排黎拎我籌，到我嘅時候，個女仔好細心咁提醒我話要等90分鐘，問我等唔等，我當然等啦！但實在太肚餓，所以我地去附近醫左肚先返黎，果然唔遲唔早，90分鐘即刻到我地。
Cheesecake Factory嘅燈光真係幾昏暗，而且偏紅色，我地想同d cake合照都唔係咁易，會影到個人塊面太紅，不過情調是不錯的！
我地一坐低就有個外籍嘅侍應遞上menu而且好熱情咁問我地係咪第一次黎，仲好詳細咁介紹佢地熱賣嘅款式，包括以下3款。
聽完意見之後，我地都認真地研究左一陣，發現menu好多蛋糕名都好特別，例如Chris'克里斯驚人芝士蛋糕、Craig's克雷格瘋狂紅蘿蔔芝士蛋糕同朱古力燕尾服忌廉芝士蛋糕，真令人好奇到底係咩味道！ 但我地為免中伏，最後都係叫左最受歡迎嘅鮮士多啤梨芝士蛋糕、無敵紅絲絨芝士蛋糕同奧利奧非凡夢想芝士蛋糕。
點左餐後，小妹忍唔住出去cheesecake櫃望下，真係好多款，而且個個樣貌十分討好！好想全部試勻晒佢
黎啦黎啦！個芝士蛋糕比我想像中大件，睇落好似都幾抵食。呢個鮮士多啤梨芝士蛋糕上面嘅士多啤梨已沾糖漿，所以食起黎一d都唔酸，好甜，清新！個蛋糕上面同側邊有兩舊好大嘅忌廉，可以配埋一齊食，以中和芝士蛋糕嘅甜膩度。呢個芝士蛋糕係原味果個，只係加左士多啤梨，食落口感好綿滑，感受到非常濃郁嘅芝士味，真係好幸福啊！超香超好味！我地3人分，每人嘅分量唔多，但食完個士多啤梨芝士蛋糕之後我已經飽飽地！
鮮士多啤梨芝士蛋糕
$79
83 views
0 likes
0 comments
跟住試紅絲絨芝士蛋糕，佢係一層芝士一層紅絲絨蛋糕，而佢用嘅芝士並非原味果款，芝士味淡點，質地就差唔多，都係好滑溜。中間嘅紅絲絨蛋糕清清地，食落口感濕潤，不過外面有白朱古力碎，為蛋糕增加甜味。整體黎講，呢款比原味清淡，建議可試食呢款先。
無敵紅絲絨芝士蛋糕
$79
36 views
0 likes
0 comments
最後亦係3個中最甜最漏嘅奧里奧非凡夢想芝士蛋糕！蛋糕除左有塊曲奇外，上下各有一層非常濃郁嘅朱古力醬，當幾層一齊食嘅時候，真係好好好甜！呢個時候，建議將忌廉搽係蛋糕上一齊食，中和蛋糕嘅甜味。
奧里奧非凡夢想芝士蛋糕
$79
48 views
0 likes
0 comments
其實除左甜左d之外，蛋糕都好好味，好值得推薦！
Post
