Video
Read full review
2023-02-19
49 views
首先，我想讚下呢間餐廳嘅廚師同埋服務員。言談之間聽得出幾位廚師，尤其主廚都係好有理想同埋熱誠去經營好呢間餐廳，佢哋都希望以別出心裁嘅烹調方法，配上時令嘅食材，為食客帶嚟一餐震撼視覺同味蕾嘅佳餚。佢哋好重視自己嘅出品，每一道菜都希望做到十全十美，先至呈獻俾席上嘅每一位客人。另外服務員嘅態度非常友善，亦有貼心留意客人嘅需要並提供協助，整體我嘅用餐體驗係十分之良好嘅。但係食物方面坦白講我係有啲失望嘅。我會認為廚師嘅野心有啲過大，食材嘅配搭種類有啲過火，令到菜式嘅味道同層次過於複雜，浪費咗一啲食材原有嘅味道，亦都冇一個好深刻嘅記憶點。其中一道以M6和牛製成嘅tartare，就係一個好好嘅例子，因為味道同調味過於複雜，牛肉嘅味道都幾乎被掩蓋。另外八道菜入面，有兩三道菜，同某幾間米芝蓮餐廳嘅出品極度相似，打卡嚟講，其實好爽，但係只要食過其他餐廳嘅出品，難免會對呢幾道菜產生比較。如果味道較為出色，當然可以突圍而出，但係如果未能夠優勝得過本尊，就令餐廳更加進退兩難。我揀咗三道菜式嚟分享一下：本地黃油雞配北海道七星米係我當晚最期待嘅菜式。七星米以雞湯、白酒、乾蔥及雞油燴熟，加埋脆卜卜嘅三文魚籽，再淋上法
但係食物方面坦白講我係有啲失望嘅。我會認為廚師嘅野心有啲過大，食材嘅配搭種類有啲過火，令到菜式嘅味道同層次過於複雜，浪費咗一啲食材原有嘅味道，亦都冇一個好深刻嘅記憶點。其中一道以M6和牛製成嘅tartare，就係一個好好嘅例子，因為味道同調味過於複雜，牛肉嘅味道都幾乎被掩蓋。另外八道菜入面，有兩三道菜，同某幾間米芝蓮餐廳嘅出品極度相似，打卡嚟講，其實好爽，但係只要食過其他餐廳嘅出品，難免會對呢幾道菜產生比較。如果味道較為出色，當然可以突圍而出，但係如果未能夠優勝得過本尊，就令餐廳更加進退兩難。我揀咗三道菜式嚟分享一下：
本地黃油雞配北海道七星米係我當晚最期待嘅菜式。七星米以雞湯、白酒、乾蔥及雞油燴熟，加埋脆卜卜嘅三文魚籽，再淋上法國黃酒調配嘅雞汁。雞皮上色上得好靚調味都唔錯，雞髀嫩滑，雞胸合格，但係可惜雞皮唔夠脆同乾身，個飯好食過隻雞，同埋可能我食過另一間配脆炸雞皮嘅雞飯，所以覺得呢個配三文魚籽嘅有啲失色同埋比下去。
放滿Royal Caviar 魚子醬嘅白松露油冷天使麵，廚師冇落其他調味料，單靠魚子醬嘅鹹鮮撐起成個麵嘅味道。天使麵嘅質感拿捏得啱啱好，唔會過淋，亦冇太硬，但係我食第一啖已經覺得太油膩，魚子醬嘅鹹香都唔能夠中和番呢種油膩嘅感覺。
全晚最好食嘅係甘鯛立鱗燒，魚肉肉質細滑鮮甜，魚鱗既香且脆，片片分明兼且竪起，配埋清酒奶油醬汁，成功突顯甘鯛呢種食材嘅獨有鮮味同味道。
呢一餐唔係唔好食，以呢個價錢食到呢幾道名菜其實好難得，但係呢個價錢同呢個味道，實在又有其他更好嘅選擇，加上佢哋嘅地點同埋分咗兩輪晚市，令我對呢間餐廳嘅評分只可以話一言難盡，可以一試。
Post
