築地‧山貴水產市場 (Closed)

灣仔築地開咗都一陣，最近終於有時間去試下，地方係比較難去到，如果喺尖沙咀搭船過去仲方便少少🤦🏻‍♀️入到去都幾多嘢行，我哋望咗陣決定食丼飯，市場喎梗係食魚生。望咗陣兩個都決定食七色北海丼，內容好似好豐富。依度嘅丼飯會配上紫菜，比你勺啲飯落去，加啲豉油同魚生當手卷食。佢哋紫菜非常脆口，仲有本身嘅紫菜香氣十足。兩個人交換唔唔食嘅嘢先記得影相。海膽冇腥氣，一啲苦都冇，非常新鮮。牡丹蝦黏口鮮甜，帶子肉質細嫩。整體份量適中，酸飯帶有微溫，飯粒喺嘴裏回甘。坐喺吧台望住維港，係下午食飯嘅好去處，場內仲有好多商店仔，大家仲可以順手買少少嘢返屋企添。