Video
Read full review
2013-10-25
1763 views
雖然我只係新手，但我好小俾食評幾乎全部都滿分！最近想搵上海菜試，朋友就介紹左同我黎呢間度試下。首先環境舒適，服務態度都幾好。門口仲可以泊車，當然有冇咁容易有位就係另外一個問題啦。話晒附近就圍都有食肆，仲有間皇雀會喺隔離添。噫，死喇！有點離題～講返啲美食先！食上海野就梗係一定要試小籠包啦！雖然要等15-20分鐘，但真係即刻蒸噃，等一陣絕對值得！叫左冷盤食住等根本唔夠時間添，師傅蒸多陣丫。至於味道簡直一流，湯汁會有爆汁嘅感覺，皮算薄但又唔會穿。只係必須建議大家一上枱就即刻消滅左佢係最明智嘅決定（但當然要小心湯汁好熱）。如果唔係，吹得太耐冷氣一樣會變硬，特別係個頂。老實講小女子未遇到一間可以解決晒所有問題嘅小籠包，既要可以放到凍唔變硬，又要唔穿仲要好味真係有啲強人所難，所以呢度嘅小籠包係已經算好一流了。海哲皮真係好爽脆，夾起一條都可以咬到chok chok聲，麻油好香。正到暈！蒜蓉拍青瓜清甜爽口，蒜蓉睇落好似好小，但蒜嘅味道浸晒入啲青瓜度。不過最重要浸到入晒味都仲係咁脆口，認真難得！豬手唔記得左個名，用紹興酒浸過一上枱好重酒香。不過食嘅時候味道唔錯但又唔係酒味，好特別。豬手完全係可以一啖一下
雖然我只係新手，但我好小俾食評幾乎全部都滿分！
最近想搵上海菜試，朋友就介紹左同我黎呢間度試下。
首先環境舒適，服務態度都幾好。門口仲可以泊車，當然有冇咁容易有位就係另外一個問題啦。話晒附近就圍都有食肆，仲有間皇雀會喺隔離添。噫，死喇！有點離題～講返啲美食先！
食上海野就梗係一定要試小籠包啦！雖然要等15-20分鐘，但真係即刻蒸噃，等一陣絕對值得！叫左冷盤食住等根本唔夠時間添，師傅蒸多陣丫。至於味道簡直一流，湯汁會有爆汁嘅感覺，皮算薄但又唔會穿。只係必須建議大家一上枱就即刻消滅左佢係最明智嘅決定（但當然要小心湯汁好熱）。如果唔係，吹得太耐冷氣一樣會變硬，特別係個頂。老實講小女子未遇到一間可以解決晒所有問題嘅小籠包，既要可以放到凍唔變硬，又要唔穿仲要好味真係有啲強人所難，所以呢度嘅小籠包係已經算好一流了。
海哲皮真係好爽脆，夾起一條都可以咬到chok chok聲，麻油好香。正到暈！
蒜蓉拍青瓜清甜爽口，蒜蓉睇落好似好小，但蒜嘅味道浸晒入啲青瓜度。不過最重要浸到入晒味都仲係咁脆口，認真難得！
豬手唔記得左個名，用紹興酒浸過一上枱好重酒香。不過食嘅時候味道唔錯但又唔係酒味，好特別。豬手完全係可以一啖一下咁咬開。只可惜我唔認識豬骨嘅結構，食到有啲失儀。
五香牛展係朋友介紹的，但我唔知係咪我黑仔，啲筋位我咬唔郁之外食4塊有3塊都係肉質有點鞋的。只有1塊係好香牛肉味，又算林的。下次再試多次先！
京蔥炒牛肉，牛肉好林，京蔥很甜。可惜我冇叫飯，汁撈飯應該錯。
賽旁蟹蛋白很滑，仲加左乾貝柱絲令個汁好鮮甜，唔錯！
我覺得整體上都唔錯，有兩個小菜想下次再試，哈哈～
Post
