Video
Read full review
2015-02-19
4257 views
食鐵板燒除左係味覺嘅享受外，亦係視覺上嘅享受。一邊享受日式美食，一邊欣賞師傅的廚藝，每道菜之間更有足夠時間讓你與友人小嚼幾杯，頓時變得悠閒起來，是人生一大樂事。點了一個2人餐，$798，抱著不少期望，結果絕對沒令我失望，更充滿驚喜！叫了2杯cocktails, 佢落好重酒，酒味非常濃。若不喜太多酒味可要求減少酒之份量。墨魚子鵝肝蒸蛋造型有心思，味道非常濃郁。食落口非常之熱，質感軟滑。雖然入面只得一小塊鵝肝，但鵝肝既油香浸滿成個蒸蛋，而且一啲都唔酥，蛋嘅香味同鵝肝非常之夾。銀雪魚煎得好香, 兩面金黃。肉質好鮮嫩，咬入口滑嘟嘟，香味四溢。銀雪魚獨有既味道有別於一般嘅魚類，就算係唔歡喜食魚既人亦會對佢產生鍾愛，絕對必試。大蝦蝦肉大大舊而且美味多汁，絕對令人想慢慢品嘗，細細咀嚼。蝦肉爽口嫩滑，非常新鮮。只係略嫌放得太多油，令到放入口時有啲油淋淋。帶子帶子好大粒，師傅將佢一開四，上碟嘅時候用好多汁同油浸住。相比起前兩款海鮮，帶子則有點兒失色，鮮甜度較為不足。重點推介！牛柳粒配蒜片！佢嘅牛柳絕對有資格稱得上best of the best。要揾好味嘅嘢食唔難，但好味到會產生一種幸福嘅感覺絕對係可遇
食鐵板燒除左係味覺嘅享受外，亦係視覺上嘅享受。一邊享受日式美食，一邊欣賞師傅的廚藝，每道菜之間更有足夠時間讓你與友人小嚼幾杯，頓時變得悠閒起來，是人生一大樂事。
點了一個2人餐，$798，抱著不少期望，結果絕對沒令我失望，更充滿驚喜！
叫了2杯cocktails, 佢落好重酒，酒味非常濃。若不喜太多酒味可要求減少酒之份量。
墨魚子鵝肝蒸蛋
造型有心思，味道非常濃郁。食落口非常之熱，質感軟滑。雖然入面只得一小塊鵝肝，但鵝肝既油香浸滿成個蒸蛋，而且一啲都唔酥，蛋嘅香味同鵝肝非常之夾。
銀雪魚
煎得好香, 兩面金黃。肉質好鮮嫩，咬入口滑嘟嘟，香味四溢。銀雪魚獨有既味道有別於一般嘅魚類，就算係唔歡喜食魚既人亦會對佢產生鍾愛，絕對必試。
大蝦
蝦肉大大舊而且美味多汁，絕對令人想慢慢品嘗，細細咀嚼。蝦肉爽口嫩滑，非常新鮮。只係略嫌放得太多油，令到放入口時有啲油淋淋。
帶子
帶子好大粒，師傅將佢一開四，上碟嘅時候用好多汁同油浸住。相比起前兩款海鮮，帶子則有點兒失色，鮮甜度較為不足。
重點推介！牛柳粒配蒜片！
佢嘅牛柳絕對有資格稱得上best of the best。要揾好味嘅嘢食唔難，但好味到會產生一種幸福嘅感覺絕對係可遇不可求。肉質淋得泥又能夠有適當嘅咬口，非常鮮嫩多汁。當牛柳既香味係囗內飄逸，實在令人有種說不出的感動。到底有幾好味有幾幸福，絕對值得大家親身去體會。
炒飯
其實味道不錯，但較為平凡，而且唔係用肥嘟嘟嘅日本米，相比起之前嘅菜式則顯得有點失色。
甜品：牛奶木糠布丁
''結撻撻''嘅質感形成一種好特別既口感。牛奶味非常濃郁，配合面層嘅木糠絕對係味蕾一大享受。
值得一提嘅係佢嘅醬汁亦非常美味，尤其欣賞白色果款，係mayonaise加咗好多野菜入去，非常醒胃。
Post
