甜水 (Closed)

平時真係少食糖水，今次朋友帶我去一間旺角嘅糖水店，因為平時都少食糖水所以同朋友每人叫咗一碗大家交換試吓，估唔到中式嘅糖水都可以係咁好味。❤️桃膠桂圓杞子❤️，桂圓杞子平時都會用嚟沖茶飲，當糖水食呢就比較少嘅，估唔到今次食呢一個桃膠桂圓杞子個口感係咁正，好有咬口，有啲似食緊燕窩嘅感覺，唔怪之得會被稱為平民燕窩，但佢嘅營養護膚價值一啲都唔低，可以值得一試。❤️薑湯番薯甜水❤️，平時我超級怕食薑嘅味道，但係薑湯番薯糖水真係例外，薑嘅味道比黃糖中和左，而且番薯真係好甜，所以呢個糖水真係又可以暖身又好味，啱晒我呢啲又怕凍又食唔到薑味嘅女仔。