misocool (Closed)

今日依然復活節假諗極呢頭D野食都食得七七八八，突然諗起呢度未試過，趁住公假食晏少D人一於試下。我自己叫左個地獄豬軟骨啜啜麵，太太點左海鮮冷拉麵，另叫左個辣汁燒廣島蠔。佢講0既啜啜麵其實係蒟蒻麵，我個人想試下係因為我鍾意食d好咬感0既野。然而啜啜麵呢一part 就唔算係令我太滿意，相比之下紅薯粉就更加有咬感喇 ! 另外，雖然話係'地獄' 但係其實都唔算係好辣，唔食得太辣0既都可以一試，不過湯底未算好有驚喜。此外個人認為豬軟骨0既份量都算ok 0既，不過個麵0既份量就唔算太多。個海鮮冷拉麵喺熱天食真係好唔錯，因為夠晒透心涼。唯一有小小問題就係佢d料d份量都比較少...好似有dd慳皮囉 - 前後就係兩隻蝦，一塊切開左0既北寄背同埋三條筍... OL 0既話應該會夠0既~ 至於個辣汁廣東蠔個人認為都幾好食，有少少芝士得黎又唔會好滯，另外個辣汁都唔算辣，純粹吊味。個蠔都冇陣'宿'味 - 所以我個人認為個蠔都算食得過。埋單夾埋160-170 (唔係好記得EXACTLY 幾錢)，唔可以話好抵但如果食開好平常0既拉麵食得多0既話都可以試下呢度。