阿堂魚湯 (Closed)

好鍾意飲魚湯，有次經過呢間野已經好想試，真係去試之後一次愛上。之後已經食過好幾次。用稻庭烏東幾彈牙，魚湯係少少咸鮮，難得味道天然都可以咁好味。餸最好食係魚片同八爪魚，好鮮，食得出係新鮮食材。下午茶海鮮魚湯米線只係$40頭，仲有野飲。咁嘅價錢同質數係香港少有。我見好多人叫魚生，下次有機會都想試下，可惜胃就只有一個，而我知道我每次都叫魚湯。希望呢間保持水準，希望佢地做過得住，唔會比人勁加租。我會經常嚟。