Video
Read full review
2019-03-19
216 views
其實Monday唔一定係blue既，呢日反工做做下野，又比個同事燒，佢話有frd同佢講，tst有間草莓西瓜蛋糕好吸引，撩我收工同佢一齊去食 LIFETASTIC... 💕入面點架？打卡cafe最緊要係個裝修夠grand同食物夠靚又好味。呢度既design以金屬同木為主，牆身既金屬條條，一直延伸到天花板，再去到另一面既牆身，即刻加左幾分氣派，空間感都好好。座位主要分左3 type，有稍高bar枱位，想一個人靜靜地食件cake聽下歌都幾好；仲有for姐妹淘既圓枱 and normal餐枱。💕有咩食呢？我地叫左個Lifetastic Cake Set or Two ($248)，可以揀4件蛋糕加2杯飲品，如果轉smoothie or popolo tea就要加$28，計落會抵過散叫架。🥰我地叫左呢啲~~~~🍉草莓西瓜蛋糕呢一件係餐廳最最最出名既草莓西瓜蛋糕，但我地有d驚士多啤梨會酸。好彩staff主動過黎介紹，話係用左韓國士多啤梨，每粒都精挑細選過，叫我地可以放心trytry。入口又真係幾甜wo，size都唔細添丫，蛋糕中間仲有大大片馬來西亞西瓜，多汁爽甜，真係無諗過士多啤梨同西瓜可以咁ma
💕入面點架？
打卡cafe最緊要係個裝修夠grand同食物夠靚又好味。呢度既design以金屬同木為主，牆身既金屬條條，一直延伸到天花板，再去到另一面既牆身，即刻加左幾分氣派，空間感都好好。
座位主要分左3 type，有稍高bar枱位，想一個人靜靜地食件cake聽下歌都幾好；仲有for姐妹淘既圓枱 and normal餐枱。
💕有咩食呢？
我地叫左個Lifetastic Cake Set or Two ($248)，可以揀4件蛋糕加2杯飲品，如果轉smoothie or popolo tea就要加$28，計落會抵過散叫架。
CAKE SET FOR 2
$248
26 views
0 likes
0 comments
🥰我地叫左呢啲~~~~
🍉草莓西瓜蛋糕
25 views
0 likes
0 comments
呢一件係餐廳最最最出名既草莓西瓜蛋糕，但我地有d驚士多啤梨會酸。好彩staff主動過黎介紹，話係用左韓國士多啤梨，每粒都精挑細選過，叫我地可以放心trytry。
入口又真係幾甜wo，size都唔細添丫，蛋糕中間仲有大大片馬來西亞西瓜，多汁爽甜，真係無諗過士多啤梨同西瓜可以咁match！
🧀無花果芝士竹炭蛋糕 (Seasonal)
24 views
0 likes
0 comments
呢一件就係seasonal餐牌揾到既(另外仲有藍莓竹炭蛋糕)，呢件既芝士味比較濃郁，部份芝士仲混入左竹炭，頂底既蛋糕部分都有竹炭成分架，其實炭係咩味呢？我就會覺得佢似係煙燻既味道，同無花果、芝士配合，互相配合到。
🌹荔枝玫瑰蛋糕
22 views
0 likes
0 comments
一層一層食落去，係荔枝同玫瑰的味道相互交織著，有玫瑰花香既忌廉，忌廉方面都幾輕身，空氣感幾好，唔會好滯既，忌廉中間仲有粒粒爽甜既荔枝果肉。
而蛋糕既部分，就食到好細粒既杏仁碎，杏仁味相當濃，加上咬到一粒粒咁，幾有口感。
🌱斑蘭紫糯米蛋糕
20 views
0 likes
0 comments
呢一件斑蘭紫糯米蛋糕，令我聯想起泰國菜中既芒果糯米飯，同埋新加坡既斑蘭蛋糕，呢2隻味交錯咁出現，一時食到好香好清新既斑蘭葉既味道，一時又有紫糯米可以咬下，呢個配搭相當有創意。
🍼鮮奶咖啡
26 views
0 likes
0 comments
朋友本身好中意食咖啡，但又怕咖啡會酸會苦，所以就叫左最輕鬆既鮮奶咖啡。佢話呢杯咖啡入口順滑，甜度都剛剛好，有滿滿既咖啡香味。
🍫伯爵茶朱古力鮮奶
34 views
0 likes
0 comments
而我就叫左伯爵茶朱古力鮮奶，餐廳加入左伯爵茶茶葉係係朱古力鮮奶，飲落去會飲到伯爵茶既香味，適逢伯爵茶係英式茶之中，算係淡d既一種，唔會同濃厚既朱古力搶風頭，而有帶黎更好既層次感。
💕總結
我地2個都覺得呢個草莓西瓜真心正，第一次食用西瓜整既蛋糕，味道幾清新。感受到每款蛋糕既材料配搭都經過悉心鑽研，係用心誠意對待食材既餐廳，環境又夠靚，岩哂同姐妹淘傾下計selfie下。
Post
